Dous anos de Titalee: ioga, natureza e moito bo rollo en A Talangreira
O vindeiro domingo 19 de outubro, en A Talangreira temos unha cita desas que recargan corpo e alma: o aniversario de Titalee – Centro de Ioga, que celebra dous anos espallando benestar, conciencia e sorrisos. E como non podía ser doutro xeito, a festa será aquí, no noso espazo cooperativo, no corazón da natureza.
🦋 Dous anos non se cumpren todos os días, e Titalee quere celebralo por todo o alto: con actividades abertas, gratuítas e para todas as idades, convidando a todas e todos a compartir unha xornada para conectar con nós mesmas/os, coa terra… e co bo ambiente, claro!
🌿 Programa completo do día:
🕛 12:00 – Presentación e práctica de ioga suave
🧘♂️ 12:30 – Demostración de Thai Ioga con Nigel Webb
🍹 13:00 – Sesión vermú con humor a cargo de Anabel Budiño
👨👩👧👦 15:30 – Ioga en familia con Pilar Curro
💃 16:00 – Demostración de bachata con Rodrigo Palacios
🌲 16:30 – Saída á Fraga + Baño de Bosque guiado
🧘 18:30 – Meditación activa + Concerto de mantras con Ana Vidal Shanti
E por se todo isto fora pouco… con cada consumición que fagas, entrarás nun sorteo dun mes de ioga de balde e outras sorpresas! 🎁
💜 Un aniversario con alma
Titalee é máis que un centro de ioga. É un espazo de transformación onde o corpo, a respiración e a mente se atopan para florecer. Durante estes dous anos, foron medrando en comunidade, creando vínculos e sementando saúde desde o cariño e a presenza. E en A Talangreira compartimos esa mesma filosofía: facer as cousas con amor, con retranca e coas portas sempre abertas.
Esta xornada é un agasallo para todas as persoas que participan, acompañan e se achegan a ese benestar que se constrúe en grupo. Un día para rir, respirar, mover o corpo, abrazar árbores, cantar mantras e bailar sen vergonza.
🌈 Porque en A Talangreira…
- Celebramos a diversidade de corpos e camiños espirituais.
- Apostamos por facer comunidade con iniciativas locais.
- Creamos espazos onde o benestar é compartido, libre e gozoso.
- E sempre, sempre, honramos a natureza como aliada da nosa saúde e alegría.
